Tá an foclóir ar fáil saor in aisce agus in oiriúint do ríomhairí deisce agus do ghléasanna móibíleacha araon.
Tá eolas gramadaí agus comhaid fuaime ag dul leis an ábhar Gaeilge san fhoclóir.
Is é cuspóir an tsuímh ná rochtain shaor agus réidh a thabhairt do lucht úsáidte na teanga ar shonraí foclóireachta, gramadaí agus foghraíochta a bhaineann le focail sa Ghaeilge. Cuirfidh an suíomh ar chumas an úsáideora aon chuardach amháin a dhéanamh chun teacht ar na hiontrálacha foclóra, an t-eolas gramadaí agus na comhaid foghraíochta a bhaineann le haon fhocal ar leith.
Seo é an bunachar náisiúnta téarmaíochta don Ghaeilge, á bhainistiú ag grúpa taighde Gaois, Fiontar & Scoil na Gaeilge (DCU) i gcomhar leis an gCoiste Téarmaíochta, Foras na Gaeilge.
Tá c.186,000 iontráil dhátheangach ar fáil sa bhunachar. Is féidir dul i ngleic leis na téarmaí ar bhealaí éagsúla agus is féidir chomh maith an t-ábhar a íoslódáil i bhformáid TBX no TXT. Tá eolas faoi conas an suíomh a úsáid ar fáil anseo. Má tá téarma nach bhfuil ar fáil sa bhunachar seo á lorg agat, is féidir leagan a iarraidh ar an gCoiste Téarmaíochta, Foras na Gaeilge, ach an fhoirm fiosraithe a líonadh.
Foclóir neamhspleách Gaeilge
URL: http://www.potafocal.com/
Is seiceálaí gramadaí nua é Gael Gram Gaeilge a oibríonn ar líne sa scamall. Déaneann sé seiceáil ar do chuid ghramadaí agus ar do litriú Gaeilge agus molann sé ceartúcháin uathoibríocha. Oibríonn sé ar ríomhairí glúine, táibléid agus fóin trí bhrabhsálaithe gréasáin agus tá breiseáin in-íoslódáilte do Word ann.
Déanann ABAIR forbairt ar theicneolaíochtaí AI do chanúintí na Gaeilge, maraon le hacmhainní agus le háiseanna a bhaineann úsáid as an teic seo – áiseanna do Phobal na Gaeilge, don oideachas agus don rochtain dóibh siúd faoi mhíchumas.
URL: https://abair.ie/
Is corpas cothromaithe é Corpas Náisiúnta na Gaeilge a bhfuil idir ábhar scríofa agus ábhar labhartha ann. Baineann na téacsanna go léir a tiomsaíodh don chorpas leis an tréimhse 2000–2024 agus é i gceist go mbeadh sé ionadaíoch ar an nGaeilge chomhaimseartha.
Is féidir freastal ar chúrsaí Gaeilge ar líne tríd an suíomh seo. Ligeann Ranganna.com duit Gaeilge nadúrtha laethúil a fhoghlaim go neamhspleách agus ar do luas féin.
Bunachar Logainmneacha na hÉireann: Áis chuimsitheach bhainistíochta í seo le haghaidh sonraí, taifid agus taighde logainmníochta an Stáit. Áis don phobal atá ann, d’Éireannaigh sa bhaile agus thar lear, agus spreagann sí spéis i saibhreas agus i saíocht logainmneacha na hÉireann.